黃大仙區議員去選九西

2012-08-01

黃逸旭曾係肥仔明助理

【明報專訊】立法會選舉提名期噚日結束，報名參 選九西嘅黃逸旭原來係黃大仙區議員，理應九東先係佢地頭，點解會走去九西選呢？據黃逸旭嘅前老闆、民主黨立法會議員李華明同Emily講，黃逸旭報名前有 同佢打招呼，仲話自己屋企、教會都喺九西，所以揀呢個區出選，旨在試吓票。黃逸旭仲同李華明講，除非啲票好少，否則下屆都會循九西出選喎。
李 華明話，黃逸旭係讀社工，畢業後幫佢做過助理，2003年參選區議會選舉，當選後無幾耐就退出民主黨，2007、2011年區選佢都贏。對於黃逸旭自稱 「獨立民主派」，李華明就有啲保留，話唔多覺對方喺六四、七一遊行有參與，但幾次區選黃的確係同建制派對陣。Emily都想親自問問黃逸旭，不過佢至截稿 未有回覆。
出選九西的名單仲有梁美芬、黃碧雲、毛孟靜、蔣麗芸、黃毓民、黃以謙、譚國僑、林依麗。